|
لي ساعه اناظر الشاشه مدري وش اكتب ، اكتب عن الميزانيه خلاص كلاً ادلى بدلوه ( حلوه دلوه ) ولا عن مجتمعنا وحالتنا ( اخاف ابكي وأبكي) ولا عن غلاء المعيشه وجشع التجار ولا عن طمع العماله الوافده فينا ولا عن الواسطات وعلى قولة المصريين احبابنا( يالهوى بالي على الواسطات ) مصائب تصير بسبب الواسطه وحقوق ناس تضيع ( اشكره ) يعني ( عيني عينك) لدرجة ان الواحد لو يحصل وظيفه او يجيه خير كل الناس فتحوا فميهم ( الله من كبر الواسطه ) ليش لان الواحد منا اذا عنده مراجعه او تقديم او اي شي اول شي يدور عن الواسطه يعني كل الحاره والجماعه والبقالات والبناشر والعمال اللي حولهم وحول حولهم يدرون عنه من كثر ( ما تعرف احد او تعرف احد يعرف احد ) لا ومن زين الطابيع مدلعينه ( و ) وعلشان نثبت للناس انه صحي سميناه ( فتامين واو ) حتى عند الخياطين والحلاقين في المواسم اذا ما عندك واسطه تروح فيها ، تخيل جالس في مجلس وتلتفت على اللي جنبك وانت تحك لحيتك ( يالحبيب ما تعرف حسنين الحلاق ولا تعرف احد يعرفه)
الواسطه من الازل ومن ( اقدم الاقدمين ) قال الله تعالى حكاية عن موسى عليه السلام ( وجعلي وزيراً من أهلي هارون أخي ) وفي حديث يبين فضل من يقوم في حوائج الناس ويساعدهم على قضاء حوائجهم ، لكن بعض الاحيان تكون الواسطه ( بنت كلب ) يعني قويه الى درجه انها تعيين طالبه في الجامعه على رقم معلمه علشان ست الحسن اذا تخرجت تحصل وظيفه. او تحرم معلم من تحسين مستوى وتحط معلمه على رقمه ويحسن مستواها ويرجع الرقم للمعلم ويبقى يصارع من اجل التحسين . او تصدم جدار ويحط الخطا على الجدار
. شوف الجامعات وشوف ابناء علية القوم وشف ابناء ( اللي ماهم علية القوم ) شوف المستشفيات ومنهم اللي ( يخلقون له سرير ) ومنهم اللي لو يجيب سرير معه مادخلوه شوف من يدخل مع الابواب الخلفيه ويمكن من الابواب الامامية ومن ( ينطق ) ورا الباب اللين الله يفرجها.وش احكيلكم لحكيكم كل واحد منكم عنده حكاية عن الواسطة حتى الفيس بوك رفض يقبل المشاركه يقول طويله حطها في ملاحظه بالله ما تعرفون احد يعرف احد يعرف احد يساعدني فيها. ولو تتكرمون لا تنسون التعليقات ( او اجيب لكم واسطه )
|
بناء الإسلامية